काठमाडौं। ट्राफिक नियम उल्लघन गर्ने ४ सय ५६ जना चालक कारबाहीमा परेका छन्।

यातायात व्यवस्था विभागबाट नियमित अनुगमनको क्रममा ती चालकलाई कारबाही गरिएको हो।

कारबाहीमा परेका उनीहरुबाट मसिंर महिनामा मात्र सरकारले साढे तीन लाख राजस्व उठाएको विभागले जनाएको छ ।

नियम उल्लंघन गरेबापत १ सय १ वटा सवारी दर्ता किताब , र ३५५ वटा लाइसेन्स नियन्त्रणमा लिएको थियो ।

नियन्त्रणमा लिएको सो दर्ता किताब र लाइसेन्स जरिवाना तिरेर सवारीधनीले फिर्ता लिएका थिए ।

सोहीअनुसार मंसिर महिनाको अनुगमनबाट मात्र ३ लाख ४८ हजार ७ सय ५० रुपैयाँ ट्राफिक नियम उल्लंघन गर्नेबाट जरिवाना उठाएको हो ।