काठमाडौं । कतारमा जारी फिफा विश्वकपको तेस्रो स्थानको लागि आज मोरक्को र क्रोएसिया भिड्दै छन् ।

खेल आज बेलुका पौने ९ बजे कतारको खालिफा स्टेडियममा सुरु हुनेछ । सेमिफाइनलमा मोरक्को फ्रान्ससँग २–० गोलले पराजित भएको थियो ।

यस्तै, क्रोएसिया अर्जेन्टिनासँग ३–० ले हारेको थियो । क्रोएसिया र मोरक्कोले समूह चरणमा गोलरहित बराबरी खेलेका थिए ।

यस्तै दुबै टोली जितसहित प्रतियोगिताको अन्त्य गर्न चाहन्छ । विश्व कपको उपाधिको लागि भोलि फ्रान्स र अर्जेन्टिना खेल्ने छन् ।