Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
काठमाडौं । खुलामञ्चमा अण्डरग्राउन्ड पार्किङ बनाउन नहुने भन्दै अकुपाई टुँडिखेल अभियानले काठमाडौं महानगरपालिकाकी उपमेयर सुनिता डंगोललाई ज्ञापनपत्र बुझाएको छ ।
आज अभियानले सार्वजनिक क्षेत्र खुलामञ्चलाई खुलै राख्नु पर्ने रायसहित महानगरको कार्यालयमै पुगेर उपमेयर डंगोललाई ज्ञापनपत्र बुझाइएको हो ।
महानगरका मयेर बालेन्द्र शाह (बालेन) ले स्थानीय र सम्पदा संरक्षकहरुलाई भेट्न समय नदिएपछि अभियानले उपमेयर डंगोललाई ज्ञापन पत्र बुझाएको बताइएको छ ।
अभियानले आज महानगरको कार्यालय अगाडी प्रदर्शन समेत गरेको थियो ।
महानगरले खुलामञ्चमा अण्डरग्राउन्ड पार्किङ बनाउने काम शुरु गरेपछि अहिले यसको चौतर्फी विरोध भइरहेको छ ।
महानगरको १०औं कार्यपालिका बैठकले डीपीआर बनाउने निर्णय गरेपछि स्थानीय र सम्पदा संरक्षणकर्मीले खुलामञ्चको जमिन बिगार्न नहुने भन्दै निर्णय फिर्ता लिन माग गर्दै दबाब दिइरहेका छन् ।
प्राचीन हिटि प्रणालीसँग जोडिएको खुलामञ्चको प्राकृतिक रिचार्ज सिस्टम र अन्य नकारात्मक वातावरणीय प्रभाव पनि पर्ने भएकाले खुलामञ्चमा अण्डरग्राउण्ड पार्किङ्गको सोच नै ग़लत भएको उनीहरुको बुझाइ छ।
ज्ञापनपत्रमा सार्वजनिक स्थल दोहोन गरी ठेक्का नदिन आग्रह गरिएको छ।
© 2026 All right reserved to onlinenepal.com
Design & Developed By
