काठमाडौं । श्रीलंकाविरूद्धको पहिलो टी–२० क्रिकेटमा घरेलु टोली भारतले रोमाञ्चक जित निकालेको छ ।

शिवम माभीले डेब्यू खेलमै उच्च प्रदर्शन गरेपछि भारतले पहिलो टी-२० अन्तर्राष्ट्रियमा श्रीलंकामाथि २ रनको रोमान्चक जित हात पारेको हो ।

यो जितसँगै तीन खेलको टी-२० खेलमा भारतले १-० को अग्रता लिएको छ ।

जितको लागि १ सय ६३ रनको लक्ष्य पछ्याएको श्रीलंकाले निर्धारित २० ओभरमा अलआउट हुँदै १ सय ६० रनमा समेटियो।