सर्भरमा समस्या आउँदा रोकिएको अन्तर्राष्ट्रिय उडान दुई घण्टापछि सुचारु

काठमाडौं । त्रिभुवन अन्तर्राष्ट्रिय विमानस्थलमा अध्यागमन विभागको सर्भरमा समस्या हुँदा अवरूद्ध बनेको अन्तर्राष्ट्रिय उडान पुनः सञ्चालनमा आएको छ।

विभागको ‘सर्भर डाउन’ हुँदा दुई घण्टा अवरुद्ध बनेको अन्तर्राष्ट्रिय उडान पुनः सञ्चालनमा आएको हो ।

अहिले अन्तर्राष्ट्रिय उडान भइरहेको छ। अध्यागमनको सर्भर डाउन हुँदा अन्तर्राष्ट्रिय हवाई उडान प्रभावित भएको थियो।

केहीबेर अघि इण्डिगो एयरको जहाज भारतको नयाँदिल्ली उडेको छ भने फ्लाई दुबईको जहाज भर्खरै अवतरण गरेको छ।

कतार एयरवेजको जहाज पनि अवतरणको तयारीमा छ। सबै सरकारी सर्भर डाउन भएकाले आजको समस्या आएको अध्यागमन विभागले बताएको छ ।

प्रतिक्रिया दिनुहोस्

नयाँ अपडेट