काठमाडौं । दुई महिनादेखि गौतमबुद्ध अन्तर्राष्ट्रिय विमानस्थलमा ठप्प भएको अन्तर्राष्ट्रिय उडान मार्च ९ तारिखबाट हुने भएको छ।

मौसमी प्रतिकूलता र इन्स्ट्रुमेन्ट ल्यान्डिङ सिस्टम ९आइएलएस० संचालनमा नआएको भन्दै हिमालय र जजिरा एयरवेजले उडान बन्द गरेका थिए।

जजिरा एयरवेजले आउँदो मार्च ९ बाट नियमित उडानको तालिका प्रकाशन गरिसकेको विमानस्थलका प्रवक्ता सुवास झाले बताए।

करिब एक वर्ष अगाडिबाट संचालनमा आएको यो विमानस्थलमा आइएलएस प्रणाली संचालनमा नआएकै कारण पूर्ण रूपमा चल्न सकेको छैन।

९ मार्चदेखि उडान सुरु गर्न अग्रिम टिकट बुकिङसमेत थालिसकेको जानकारी आएको उनले बताए ।

प्रवक्ता झाका अनुसार मंगलबार, बिहीबार र शनिबार बिहान ८ बजेर ५ मिनेटमा उड्ने गरी तालिका तय समेत भइसकेको छ ।