काठमाडौं । दुई महिनादेखि गौतमबुद्ध अन्तर्राष्ट्रिय विमानस्थलमा ठप्प भएको अन्तर्राष्ट्रिय उडान मार्च ९ तारिखबाट हुने भएको छ।

कम्पनीले बुधबार भैरहवाबाट सातामा तीन वटा उडान गर्ने गरी तालिका सार्वजनिक गरेको छ ।

जजीराले भैरहवाबाट कुबेतको लागी मंगलबार, बिहीबार र शनिबार नेपाली समय अनुसार बिहान ८: ०५ बजे उडान भर्नेछ भने कुवेतमा स्थानीय समय अनुसार बिहान १०: ५५ बजे अवतरण गर्ने छ ।

मौसमी प्रतिकूलता र इन्स्ट्रुमेन्ट ल्यान्डिङ सिस्टम (आइएलएस) संचालनमा नआएको भन्दै हिमालय र जजिरा एयरवेजले उडान बन्द गरेका थिए।

साथै जजीरा एयरवेजले भैरहवादेखि कुवेतसम्म २८ हजार ८३६ को विशेष प्रारम्भिक एकतर्फी उडानका भाडा कायम गरेको जानकारी दिएको छ ।