अनलाइन नेपाल
काठमाडौं । नेकपा एमालेका नेता भीम रावलले देशको राष्ट्रपतिको नाम विदेशीहरूले सिफारिस गरेको देख्दा लज्जा भएको टिप्पणी गरेका छन् ।
बिहीवार बिहान सामाजिक सञ्जालमार्फत डा. रावलले यस्तो टिप्पणी गरेका हुन् । उनले देश र जनताका लागि छलफल गरेको भए जनतालाई राहत हुन्थ्यो तर त्यो नगरेको बताए ।
‘पदका लागि शीर्ष नेताहरूले जति छलफल गरेका छन् त्यसको आधा समय देश र जनताका समस्या समाधान गर्न छलफल गरेको भए जनता र देशलाई राहत हुन्थ्यो कि ?’ रावलले भनेको छन्, ‘नेताहरूले राष्ट्रिय राजनीतिलाई यस्तो तहमा झरिसके अब विदेशीले राष्ट्रपतिको नाम सिफारिस गर्नथाले । लज्जास्पद र निन्दनीय ।’
केही दिन अघि भावी राष्ट्रपतिबारे अनेकौँ नाम र चर्चा चलिरहेका बेला भारतीय वुद्धिजिवी एसडी मुनीले गैरदलीय व्यक्तिलाई राष्ट्रपति बनाउन सुझाव दिएका थिए । उनले नेपाली राजनीतिबारे चासो राख्दै सामाजिक सञ्जालमा ४ जनाको नाम लिएका छन् ।
उनले देवेन्द्रराज पाण्डे, लोकराज बराल, दमननाथ ढुंगाना र अनुराधा कोइराला नेपालको भावी राष्ट्रपतिका लागि उपयुक्त पात्र भएको सुझाएका थिए ।
पदका लागि ‘शीर्ष’ नेताहरूले जति छलफल गरेका छन् त्यसको आधा समय देश र जनताका समस्या समाधान गर्न छलफल गरेको भए जनता र देशलाई राहत हुन्थ्यो कि?
नेताहरूले राष्ट्रिय राजनीतिलाई यस्तो तहमा झारिसके अब विदेशीले राष्ट्रपतिको नाम सिफारिस गर्नथाले ।लज्जास्पद र निन्दनीय ।— Bhim Rawal, PhD (@BhimRawal179) February 23, 2023
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
