गोरखा । गोरखा बजारमा सोमबार दिउँसो भएको मिनीट्रक दुर्घटनामा दुई जनाको मृत्यु भएको छ।

बिसौनीमोडबाट पल्टेर भएको ट्रक दुर्घटनामा सवारी धनी तथा चालक उमेश श्रेष्ठ र राष्ट्रिय वाणिज्य बैंक गजुरी शाखामा कार्यरत विष्णु खड्काको मृत्यु भएको हो ।

श्रेष्ठको उपचारका लागि गोरखा अस्पताल लैजाँदै गर्दा र खड्काको थप उपचारका लागि भरतपुर लैजाँदै गर्दा मृत्यु भएको गोरखा प्रहरीले जनाएको छ ।

प्रदेश नं- ३ ०१–००३–६१७० नम्बरको मिनीट्रक गोरखा बजारको बिसौनी मोडबाट पल्टेर जिल्ला ट्राफिक प्रहरी कार्यालयसम्म पुगेको थियो । ब्रेक फेल भएर दुर्घटना भएको हुनसक्ने प्रारम्भिक अनुमान भएपनि थप जानकारी नभएको प्रहरीले जनाएको छ ।

अन्य घाइतेहरुमा सहिदलखन गाउँपालिका -७ की रमला रानामगर र लालबहादुर गुरुङ, गोरखा नगरपालिका १० छेपेटारकी सावित्री बिक, सहिद लखनकै नारायण भुजेल रहेका छन् । उनीहरुको गोरखा अस्पतालमा नै उपचार भइरहेको छ ।