गोरखा । अर्काको नाममा सवारी लाइसेन्सका लागि ट्रायल दिँदै गरेका एक युवा पक्राउ परेका छन्।
तनहुँको भानु नगरपालिका ४ का सुरेश थापा मगरको मोटरसाइकल लाइसेन्सका लागि ट्रायल दिँदै गरेका पूर्ण थापा मगरलाई प्रहरीले पक्राउ गरिएको हो ।
सुरेश थापा मगरको नाममा सहीछापसमेत किर्ते गरी प्रयोगात्मक परीक्षा (ट्रायल) मा सहभागी भइरहेको अवस्थामा उनलाई पक्राउ गरिएको इप्रका आँबुखैरेनीले जनाएको छ ।
उनलाई जिल्ला अदालत तनहुँबाट म्याद थप गरी इप्रका आँबुखैरेनीमा राखेर अनुसन्धान भइरहेको छ।
लाइसेन्सका लागि यातयात व्यवस्था कार्यालय, बन्दिपुर गाउँपालिका-४ विमलनगरमा ट्रायल परीक्षा भएको थियो।
Leave a Reply