काठमाडौं । सत्ता साझेदार दलका शीर्ष नेताहरुको बैठक आज बस्दैछ ।

प्रधानमन्त्री निवास बालुवाटारमा आज बेलुका ४ बजे बैठक बस्ने तय भएको छ ।

बैठकमा मन्त्रिपरिषद्लाई पूर्णता दिने विषयमा छलफल हुने प्रधानमन्त्री सचिवालय स्रोतले जनाएको छ ।

सरकारमा सहभागी हुने विषयलाई लिएर प्रधानमन्त्री प्रचण्ड र कांग्रेस सभापति शेरबहादुर देउवाले मंगलबार छलफल गरेका थिए ।

प्रचण्ड र देउवाबीच सरकारमा सहभागी हुने विषयमा कसरी भागबण्डा गरेर जाने भन्ने विषयमा कुराकानी भएको बताइएको छ ।

प्रधानमन्त्री दाहलाले चैत्र ६ गते संसद्मा दोस्रो पटक विश्वासको मत पाएपछि सरकारलाई पूर्णता दिने तयारी छ ।