मोरङमा तीन परीक्षा केन्द्रबाट एसईईका १९९ नक्कली परीक्षार्थी पक्राउ

मोरङ । मोरङमा माध्यमिक शिक्षा परीक्षा एसईई दिने १९९ जना नक्कली परिक्षार्थी पक्राउ परेका छन् ।

मोरङका विभिन्न परीक्षा केन्द्रबाट सामाजिक विषयको परीक्षा दिने नक्कली परीक्षार्थीलाई प्रहरीले नियन्त्रणमा लिएको हो ।

मोरङको झोराहाट, केराबारी र हरैचाबाट १९९ जना आज सामाजिक विषयको परीक्षा दिने नक्कली परीक्षार्थी भेटिएको मोरङ प्रहरीले जनाएको छ ।

केराबारीस्थित सार्वजनिक मावि परीक्षा केन्द्रबाट सबैभन्दा बढी १२७ जना नक्कली परीक्षार्थी प्रकाउ परेका छन् ।

त्यस्तै झोराहाटस्थित सरस्वती मावि केन्द्रबाट ५२ जना र सुन्दरहरैचाको जनता मावि केन्द्रबाट २० जनालाई नियन्त्रणमा लिइएको हो ।

प्रतिक्रिया दिनुहोस्

नयाँ अपडेट