कैलाली । सवारी दुर्घटना न्यूनीकरण गर्न कैलाली ट्राफिक प्रहरीले प्रत्येक हप्ताको शुक्रबार सचेतनामूलक कक्षा सञ्चालन गरिरहेको छ ।
लेन अनुशासन पालना नगर्ने, तिब्र गति र मादक पदार्थ सेवन गरी सवारी साधन चलाई कारवाहीमा परेका सवारी चालकलाई कैलाली ट्राफिकले प्रश्क्षिण दिँदै आएको हो ।
जिल्ला ट्राफिक प्रहरी कार्यालय कैलालीका प्रमुख तथा प्रहरी निरीक्षक वीरेन्द्र जोहारीका अनुसार गत फागुन देखि आजसम्म ७ सय ८ जना सवारी चालकहरुलाई सचेतनामूलक कक्षा दिइएको छ ।
उनले मादक पदार्थ सेवन गरेर सवारी साधन चलाउने, तिब्र गतिमा सवारी साधन चलाउने र लेन अनुशासन पालना नगर्नेहरुलाई प्रशिक्षण दिँदै आएको बताए ।
ट्राफिक प्रहरीले बेलाबखतमा सवारी चालकहरुलाई बाटोमा पनि सम्झाउने काम गरिरहेको उनको भनाई छ ।