झापा । झापाको भद्रपुर विमानस्थलबाट एक महिला लागुऔषधसहित पक्राउ परेकी छिन् ।
शनिबार बिहान ११ बजे भद्रपुर नगरपालिका–९ मा रहेको विमानस्थल सुरक्षार्थ खटिएको प्रहरीले चेकजाँचका क्रममा २६ वर्षीया एन्जल राईलाई ब्राउनसुगरसहित पक्राउ गरेको हो ।
झापाको कमल गाउँपालिका–७ घर भई हाल काठमाडौंको नारायणथान डेरा गरी बस्ने २६ वर्षीया राईको साथबाट १५ ग्राम ६६० मिलिग्राम ब्राउनसुगर बरामद गरिएको प्रहरीले जनाएको छ ।
जान लागेकी उनलाई चेकजाँचका क्रममा उनले लगाएको भित्र वस्त्रमा प्याडको बीच भागमा प्लास्टिकको पोको पारेको अवस्थामा ब्राउनसुगर फेला परेको थियो ।
जिल्ला प्रहरी कार्यालय झापामाका अनुसार उनको साथमा रहेको नागरिकता र एक थान मोबाइल समेत बरामद गरिएको छ । उनलाई जिल्ला प्रहरी कार्यालय झापामा राखेर प्रहरीले अनुसन्धान थालेको छ ।
Leave a Reply