एजेन्सी । देशभित्रको आर्थिक समस्या चर्किएपछि अमेरिकी राष्ट्रपति जो बाइडेन पपुवा न्युगिनीको भ्रमण रद्द गरेर स्वदेश फर्किएका छन् ।

जी–सेभेनको बैठकमा सहभागी हुन जापान पुग्नुभएका राष्ट्रपति बाइडेन पपुवा न्युगिनी पुगेर केही सम्झौता गर्ने कार्यक्रम थियो ।

पपुवा न्युगिनीले अमेरिकी राष्ट्रपति बाइडेनको सम्मानमा विशेष तयारी समेत गरेको थियो । तर यहीबेला देशको अर्थतन्त्रमा समस्या देखिएपछि बाइडेन स्वदेश फर्किएका हुन् ।

रिपब्लिकन नेतृत्वको सदनले राष्ट्रपति जो बाइडेनले वर्तमान र भविष्यको सामाजिक सुरक्षा योजनामा कटौती नगरे राष्ट्रिय ऋण तिर्न नदिने बताएका छन् ।

संसदले सरकारी ऋण तिर्ने स्वीकृति केही दिनभित्रै नदिएमा अमेरिकाले विश्व अर्थतन्त्रमा आफ्नो प्रतिष्ठा गुमाउनेछ ।