Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
पर्सा । भारतबाट चाँदीको गरगहना अवैध रूपमा नेपाल भित्र्याएको आरोपमा वीरगन्जबाट एक महिला पक्राउ परेकी छिन् । जिल्ला प्रहरी कार्यालय पर्साका अनुसार वीरगन्ज महानगरपालिका-४ की ५० वर्षीया उमा देवी पक्राउ परेकी हुन् ।
उनको साथबाट चाँदीको पाउजु ३९ जोर, औंठी ९५ पिस गरी २ किलो १ सय ८ ग्राम चाँदीका गरगहना बरामद गरिएको प्रहरीले जनाएको छ । बरामद भएको गरगहनाको मूल्य अन्दाजी १ लाख १२ हजार १६ रुपैयाँ रहेको छ ।
भारतको रक्सौलबाट पैदल इनर्वा नाका हुँदै वीरगन्ज आएकी उमा देवीलाई वीरगन्ज-१६ रजत जयन्ती चोकस्थित सडकमा रोकेर प्रहरीले चेकजाँच गरेको थियो ।
चाँदीको गरगहनासहित पक्राउ परेकी उमा देवीलाई आवश्यक कारबाहीका लागि आइतबार राजश्व अनुसन्धान कार्यालय पथलैया बारामा बुझाइएको पर्सा प्रहरीले जनाएको छ ।
© 2026 All right reserved to onlinenepal.com
Design & Developed By
