काठमाडौं । पाँच खेलको टी-२० अन्तराष्ट्रिय सिरिज अन्तर्गतको तेस्रो खेलमा जित हासिल गरेको छ ।
मलेसियाको वाईएसडी युकेएम ओभल मैदानमा सम्पन्न खेलमा पाहुना टोली नेपालले घरेलु टोली मलेसियालाई २७ रनले हराएको हो ।
नेपालले दिएको १११ रनको लक्ष्य पछाएको मलेसियाले २० ओभरमा ४ विकेट गुमाउदै ८३ रन मात्र बनायो र खेल २७ रनले हारेको छ ।
मलेसियाका लागि माहिराह इज्जति इस्मैलले सर्बाधिक ४४ रन बनाइन भने विनिफ्रेड दुराइले २० रन बनाएकी थिइन् ।
यसअघि टस हारेर पहिला ब्याटिंग गरेको नेपालले २० ओभरमा ५ विकेट गुमाउदै ११० रन बनाएको थियो ।
नेपालका लागि रुबिना क्षेत्रीले सर्बाधिक २७ रन बनाइन भने ज्योति पाण्डेले २३, सित राना मगरले २१ र इन्दु बर्माले २० रन बनाएका थिए ।
जितसँगै नेपालले तीन खेलको महिला टी-२० अन्तर्राष्ट्रिय सिरिजमा २१ को अग्रता लिएको छ ।
Leave a Reply