Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
काठमाडौं । राष्ट्रिय जनमोर्चाका सांसद चित्रबहादुर केसीले मुलुकलाई बचाउन संघीयता खारेज गर्नुपर्ने बताएका छन् ।
बुधबार बजेटमाथिको छलफलमा बोल्ने क्रममा जनमोर्चाका सांसद केसीले यस्तो बताएका हुन् ।
सांसद केसीले संघीयताको कारण देश आर्थिक रूपमा टाट पल्टिदै गएकाले तुरुन्तै खारेज गर्नुपर्ने बताए ।
त्यस्तै सांसद केसीले प्रवासी नेपालीलाई सरकारले फेरि ढाँटेको बताए । सरकारले प्रवासी नेपालीलाई मताधिकार दिने भनेको तर त्यसका लागि बजेटको व्यवस्था नगरेर प्रवासी नेपालीलाई सरकारले फेरि ढाँटेको बताए ।
सांसद केसीले भने,'हरेक सरकार आउँदा प्रवासी नेपालीलाई मताधिकार दिने भनेर विभिन्न गठबन्धनले अनिवार्य रूपमा आफ्नो प्रस्तावमा ल्याउँछ तर बजे छुट्याउँदैन । प्रवासी नेपालीलाई मताधिकार दिनका लागि बजेट छुट्याउनुभयो कि भएन ? प्रवासीहरूको नोटले हामी गाडि चढेर हिँड्ने, देश चलाउनुपर्ने। उनीहरूलाई मताधिकार दिनै नपर्ने ? कतिपटक ढाँट्ने ?'
जनमोर्चाका अध्यक्षसमेत रहेका केसीले अदालतले पनि प्रवासमा रहेका नेपालीलाई मताधिकार देउ भनेको स्मरण गराए। उनले संसारका १४ मुलुकले आफ्नो देशका प्रवासीलाई मताधिकार दिने नियम बनाएको बताए।
© 2026 All right reserved to onlinenepal.com
Design & Developed By
