काठमाडौं । संसदीय सुनुवाइ समितिको बैठक आज बस्दैछ।
बिहान ११ बजे बोलाइएको बैठकमा प्रधानन्यायाधीशमा सिफारिस भएका हरिकृष्ण कार्कीविरूद्ध परेका उजुरीबारे अध्ययन गरिन लागेको हो ।
आजको बैठकमा उजुरीकर्ताहरूलाई छलफलमा बोलाउनेबारे पनि निर्णय हुने छ। जेठ १६ गते कार्कीविरूद्ध १० दिनभित्र उजुरी दिन सुनुवाइ समितिले सूचना प्रकाशित गरेको थियो।
उजुरीमाथिको अध्ययन र छलफल भएपछि कार्कीलाईलाई पनि समितिमा बोलाइने छ। उनलाई यही समितिमा बोलाउने तयारी छ। आइतबार मात्रै कामु प्रधानन्यायाधीश हरिकृष्ण कार्कीलाई उनको अवकाशको मितिबारे न्याय परिषद्ले सम्झाएको थियो ।
न्याय परिषद् सचिवालयले आइतबार पठाएको पत्रमा ६५ वर्षे उमेर हदका कारण आगामी साउन २० देखि अनिवार्य अवकाश पाउने जानकारी गराइएको छ।
Leave a Reply