बैतडी । बैतडीको मालिका माध्यमिक विद्यालय भटनाको प्रधानाध्यापकको जिम्मेवारी हरिचन्द्र भट्टलाई दिइएको छ ।

जिल्लाको पुर्चौडी नगरपालिका वडा नम्बर ४ मा अवस्थित उक्त मा.वि. को प्रधानाध्यापकमा भट्टलाई सर्वसम्मत रूपमा बिहीबार नियुक्त गर्ने निर्णय गरिएको हो ।

केही दिन अगाडी मात्रै उक्त विद्यालयका प्रधानाध्यापक कृष्णानन्द भट्ट अनिवार्य अवकाशमा गएपछि सोही विद्यालयमा नि.मा.वि राहत कोटामा कार्यरत अङ्ग्रेजी विषयका शिक्षक हरिचन्द्र भट्टलाई प्रधानाध्यापकमा नियुक्त गरिएको हो ।

वि.सं २०१६ सालमा स्थापना भएको उक्त विद्यालयले यस अघि छ जना प्रधानाध्यापक पाई सकेको छ भने हरिचन्द्र भट्ट सातौँ प्रधानाध्यापकको रूपमा जिम्मेवारी ग्रहण गर्नु भएको छ ।