जनकपुरधाम । मधेश प्रदेश सभामा विभिन्न सातमध्ये पाँचवटा संसदीय समितिको सभापति चयन भएका छन्। गत फागुन ३ गते गठन भएको सातवटा समितिमध्ये पाँचवटा समितिले पूर्णता पाएको छ।
सभामुख रामचन्द्र मण्डलले समितिको सभापति चयनका लागि उम्मेदवारी दर्ता गर्न शनिबारको समय दिएकोमा ५ वटा समितिमा एकल उम्मेदवारी परेपछि निर्विरोध भएका पाँचै जनाले पद तथा गोपनीयताको सपथ लिएका हुन् ।
सार्वजनिक लेखा समितिको सभापतिमा प्रमुख प्रतिपक्षी नेकपा एमालेकी मञ्जु थापा चयन भएकी छन् । त्यस्तै विकास समिति सभापतिमा जसपाका शारदा शंकरप्रसाद कलवार, महिला बालबालिका तथा सामजिक न्याय समितिमा लोसपाकी रुपा कुमारी यादवले ले सपथ लिएका छन् ।
साथै अर्थ तथा योजना समितिमा सतिशकुमार सिंह र प्राकृतिक स्रोत तथा वातावरण समितिमा माओवादी केन्द्रकी शारदा पहाडी सभापतिमा चयन भएकी छिन् ।
कृषि तथा भूमि व्यवस्थापन समिति र प्रदेश मामिला समितिको सभापतिको भने टुङ्गो लागेको छैन।
Leave a Reply