धनगढी । नेकपा एमालेले सुदूरपश्चिम प्रदेशको अधिवेशन अगामी भदौँ २२ र २३ गते गर्ने निर्णय गरेको छ ।

शुक्रबार धनगढीमा बसेको एमाले प्रदेश कमिटिको बैठकले भदौँ २२ र २३ गते गर्ने निर्णय गरेको हो ।

प्रदेश सचिव धर्मराज पाठकका अनुसार बैठकले २०८० लाई अधिवेशन वर्षका रुपमा मनाउने निर्णय समेत गरेको छ ।

मंसिर मसान्तभित्र जिल्ला अधिवेशन, माघ मसान्तसम्म पालिका अधिवेशन र चैत मसान्तसम्म वडा अधिवेशन सम्पन्न गर्न मातहतका कमिटिलाई निर्देशन दिइने बताइएको छ ।