काठमाडौं । जनता समाजवादी पार्टी (जसपा) को विधान अधिवेशनको दोस्रो दिन आजबाट समूह छलफल हुँदैछ ।
काठमाडौंको प्रज्ञा भवनमा जारी अधिवेशनको पहिलो दिनको सत्रमा उपेन्द्र यादवले दुई परिच्छेदसम्म विधानको मस्यौदा प्रस्तुत गरेका थिए ।
सोही मस्यौदामाथि आज बिहान ९ बजेबाट छलफल सुरू हुन लागेको हो । आज अध्यक्ष यादव र केन्द्रीय कार्यकारिणी सदस्य परशुराम बस्नेतले बाँकी मस्यौदा प्रस्तुत गरेपछि समूह छलफल आरम्भ हुनेछ ।
विधान मस्यौदामाथि छलफलका लागि १० वटा समूह बनाइएको छ । २२ कार्यकारिणी सदस्यमध्येबाट १र१ जना सहजकर्ता तोकिएको छ । आज दिनभर समूह छलफल हुने बताइएको छ ।