काठमाडौं । गायक तथा अभिनेता रविन तामाङको शवलाई अन्त्येष्टि अगाडि काठमाडौंको नक्सालमा राखिने भएको छ ।

आइतबार बिहान ८ बजेदेखि ११ बजेसम्मका लागि उनको पार्थिव शरीरलाई नेपाल संगीत तथा नाट्य प्रज्ञा प्रतिष्ठान, नक्सालमा राखिने बताइएको छ ।

परिवारका सदस्य र केही नजिकका साथीको उपस्थिति उनको बौद्ध संस्कार अनुसार आइतबार पौने १२ बजे स्वयम्भूमा अन्तिम संस्कार गरिनेछ ।

तामाङ मंगलबार बेलुका बुढानीलकण्ठ चिसेनीस्थित निवासमा मृत भेटिएका थिए । प्रारम्भिक पोस्टमार्टम रिपोर्टमा उनको मृत्यु मुटुको समस्याले भएको हुन सक्ने जनाइएको छ ।