काठमाडौं । नेकपा एमाले निकट चिकित्सकहरुको संगठन राष्ट्रिय चिकित्सक संघका महासचिव डा. पुष्पमणि खरालले राजीनामा दिएका छन् ।

डा. खरालले आइतबार संगठनको महासचिव र अन्य पार्टीका जिम्मेवारीबाट राजीनामा दिएका हुन् ।

उनले संघमा रहेर आफूले जनताको गुणस्तरीय स्वास्थ्य सेवा पाउने अधिकार र स्वास्थ्यकर्मीको हकका विषयमा वकालत गर्दै आए तापनि यथास्थितिमा देश जनतालाई सकारात्मक योगदान दिन नसक्ने भएकाले राजीनामा दिएको विज्ञप्ति उल्लेख गरेका छन् ।