काठमाडौं । उच्च अदालत पाटनले काठमाडौं महानगरपालिका–१० देवीनगरस्थित भद्रकुमारी घले सेवा सदनका संरचना तत्काल नभत्काउन अल्पकालीन अन्तरिम आदेश दिएको छ ।
न्यायाधीश श्यामजी प्रधानको इजलासले संरचना नभत्काउन आदेश दिएको हो । सरकारी जमिन ओगटेर संरचना बनाएको भन्दै बुधबार संरचना भत्काउन डोजर समेत लिएर पुगेको महानगरपालिकाको टोली उच्च अदालतको आदेशपछि काम ‘पूरा’ नगरी फर्किएको छ ।
अदालतले ८ साउनमा दुबै पक्षलाई छलफलमा बोलाएको छ । त्यसअघि सदनको घरजग्गामा क्षति पु¥याउने वा अतिक्रमण गर्ने काम नगर्नु नगराउनु भनी अल्पकालीन अन्तरिम आदेश जारी गरेको हो ।
महानगरपालिकाको टोलीले बुधबार बिहानैदेखि भद्रकुमारी घले सदनको भवन लगायत संरचना भत्काउन सुरु गरेको थियो। भवन लगायत संरचना भत्काउन डोजर समेत परिचालन भएको थियो।
Leave a Reply