Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
कैलाली । कैलालीमा ३ ग्राम ११५ मिलिग्राम लागु औषधसहित तीनजना पक्राउ परेका छन् । विशेष सूचनाको आधारमा इलाका प्रहरी कार्यालय मालाखेती कैलालीबाट सादा पोसाकमा खटिएको प्रहरी टोलीले उनीहरूलाई पक्राउ गरेको हो ।
पक्राउ पर्नेमा डडेल्धुराको पर्शुराम नगरपालिका ११ घर भई जिल्ला कैलाली गोदावरी नगरपालिका १ अत्तरियास्थित नमस्ते होटेलको गल्लीमा डेरा गरी बस्ने २७ वर्षीय खडक विष्ट, आलिताल गाउँपालिका ६ बस्ने विष्णु विष्ट र गोदावरी नगरपालिका २ महेन्द्रनगर रोडस्थित दिलीप कडायत रहेका छन् ।
खडकलाई शङ्का लागी चेकजाँच गर्दा शुद्ध तौल २ ग्राम ८० मिलिग्राम र विष्णुको साथबाट शुद्ध तौल ७० मिलिग्राम लागु औषध खैरो हेरोइन जस्तो देखिने धुलो पदार्थ फेला परेको प्रहरी नायव उपरीक्षक गणेश बरालले जानकारी दिए ।
यस्तै गोदावरी नगरपालिका २ महेन्द्रनगर रोडस्थित दिलीप कडायतको साथबाट शुद्ध तौल ९६५ मिलिग्राम लागु औषध खैरो हेरोइन फेला परेको उनले बताए । उनीहरूमाथि प्रहरीले थप अनुसन्धान थालेको छ ।
© 2026 All right reserved to onlinenepal.com
Design & Developed By
