काठमाडौं । सभामुख देवराज घिमिरेले सत्तापक्ष र प्रतिपक्षबीच सहमतिको विकल्प नभएको बताएका छन् ।

सदन सञ्चालन र संसदीय समितिका सभापतिहरूको चयनलगायतका विषयमा प्रमुख तीन दलका शीर्ष नेताहरूसँगको आज सोमवारको दोस्रो बैठकपछि पत्रकारसँग कुरा गर्दै सभामुख घिमिरेले यस्तो बताएका हुन् ।

उनले आफूले अधिकतमरूपमा लचिलो भएर दलहरूलाई सहमतिका लागि सकारात्मक दबाब दिइरहेको उल्लेख गरे । भोलि दिउँसो ३ बजे बस्ने बैठकअघि नै दलहरूबीच सहमति हुने उनको विश्वास छ ।

सुन तस्करीका विषयमा छानबिनका लागि उच्चस्तरीय समिति गठनको माग गरेर प्रमुख प्रतिपक्षी नेकपा एमालेले सदनमा अवरोध गर्दै आएको छ ।