Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । अख्तियार दुरुपयोग अनुसन्धान आयोगले बाराको सिम्रौनगढ नगरपालिकाका तत्कालीन निमित्त प्रमुख प्रशासकीय अधिकृतसहित १० जनाविरूद्ध भ्रष्टाचारको मुद्दा दर्ता गरेको छ ।
अख्तियारले सिम्रौनगढ नगरपालिकाका तत्कालीन निमित्त प्रमुख प्रशासकीय अधिकृत वीरेन्द्रप्रसाद साह कानु,लेखा अधिकृत सर्मेन्द्रप्रसाद चौधरी, इञ्जिनीयर सुरेशकुमार यादव,सब-इन्जिनियर उपेन्द्र कुशवाहा,उपभोक्ता समितिका अध्यक्ष सिकेन्द्रप्रसाद यादव, सचिव विजयकुमार यादव र कोषाध्यक्ष कविता देवी तथा बर्थिङ सेन्टर निर्माण उपभोक्ता समितिका अध्यक्ष रामलोचन साह कानु, सचिव छठु गिरी र कोषाध्यक्ष अनिता देवीविरुद्ध भ्रष्टाचार मुद्दा दायर गरेको हो।
मधेश प्रदेश सरकारको अनुदानबाट आ.व. २०७७/७८ मा सञ्चालित विभिन्न आयोजनामा काम सम्पन्न नगरी भुक्तानी गरेर रकम हिनामिना गरेको अख्तियारका प्रवक्ता भोला दाहालले बताए ।
तत्कालीन निमित्त प्रमुख प्रशासकीय अधिकृत कानु, लेखा अधिकृत चौधरी, इञ्जिनीयर यादव र सब-इन्जिनियर कुशवाहाले सामुदायिक भवन, बर्थिङ सेन्टर लगायतका आयोजनामा झूटो बिलका आधारमा ३७ लाख ९३ हजार २९२ रुपैयाँ भुक्तानी गरेको प्रवक्ता दाहालले बताए ।
निर्णय र भुक्तानी प्रक्रियामा संलग्न चारैजनाविरुद्ध भुक्तानी बराबरको रकम बिगो कायम गरिएको छ ।
सामुदायिक भवन निर्माण उपभोक्ता समितिका अध्यक्ष सिकेन्द्रप्रसाद यादव, सचिव विजयकुमार यादव र कोषाध्यक्ष कविता देवी तथा बर्थिङ सेन्टर निर्माण उपभोक्ता समितिका अध्यक्ष रामलोचन , सचिव गिरी र कोषाध्यक्ष अनिता लगायतसँग जनही करीब १९ लाख रुपैयाँ बिगो माग दाबी गरिएको छ ।
© 2026 All right reserved to onlinenepal.com
Design & Developed By
