मकवानपुर । मकवानपुरमा पहिरोमा पुरिएर प्रहरी जवानको मृत्यु भएको छ ।

जिल्लाको भैँसेस्थित प्रहरी चौकीमा कार्यरत जाजरकोटको शिवालय गाउँपालिका ८ घर भएका कृतिबहादुर नेपालीको मृत्यु भएको हो ।

भैँसे बजारबाट हेटौंडा बजारतर्फ मोटरसाइकलमा प्रहरी जवान नेपाली र सुनिल मेचे आउँदै गर्दा बिहीबार राति ११ बजेर २५ मिनेट जाँदा त्रिभुवन राजपथअन्तर्गत मकवानपुरको भीमफेदी गाउँपालिका १ स्थित हेटौंडा–भैँसे सडक खण्डको बुलबुलेमा माथिबाट पहिरो खसेको थियो ।

घटनामा गम्भीर घाइते भएकोमा उपचारको क्रममा उनको मृत्यु भएको मकवानपुर प्रहरीले जनाएको छ । अर्का घाइते प्रहरी जवानको हेटौंडा अस्पतालमा उपचार भइरहेको बताइएको छ ।