काठमाडौं । चीनको सीमा रक्षा सैन्य प्रतिनिधिको टोली र नेपाली सेनाका प्रधान सेनापति प्रभुराम शर्माबीच भेटवार्ता भएको छ ।

जङ्गी अड्डामा चिनियाँ जनमुक्ति सेनाको तिवेत मिलिटरी कमान्डका मेजर जनरल युई एन दे नेतृत्वको टोली र प्रधान सेनापति शर्माबीच भेट भएको हो ।

भेटघाटमा दुई पक्षीय हित र आपसी सहयोगका विषयमा कुराकानी भएको नेपाली सेनाले जनाएको छ ।

५ दिनसम्म नेपालमा रहने आन्दे नेतृत्वको टोलीले नेपाली सेनाको सैनिक कमान्ड तथा स्टाफ कलेज, सैनिक संग्राहलयलगायत विभिन्न युनिटहरुको स्थलगत भ्रमण गर्ने बताइएको छ ।

चीनको सीमा रक्षा सैन्य प्रतिनिधिको टोलीबुधबार बिहान नेपाल आइपुगेको हो । कोभिडका कारण नेपाल र चिनियाँ जनमुक्ति सेनाबीच हुँदै आएको सैन्य अभ्याससमेत रोकिएको छ। उक्त सैनिक अभ्यास सुचारु गर्नेबारे समेत उनीहरूबीच छलफल भएको छ ।