काठमाडौं । काठमाडौंको शंखमुलमा काट्न लागेको भैँसी भागेर भागदौड मच्चिएको छ ।

काट्न लागेको ठाउँबाट भागेको भैँसी शंखमुलका विभिन्न ठाउँमा पुगेर वितण्डा मच्चाएको हो ।

उक्त भैँसी ज्ञान निकेतन स्कुलभित्र समेत पसेको थियो । सडकमा कुदेपछि भएको भागदौडमा केही व्यक्ति सामान्य घाइते भएको प्रहरीले जनाएको छ । प्राविधिक टोलीले डार्ट गरेर भैंसीलाई नियन्त्रणमा लिने तयारी भइरहेको छ ।

भैंसी नियन्त्रणमा लिन नसकेपछि महानगरपालिका र प्रहरी टोलीले वन कार्यालयमा खबर गरेको छ । भैँसी भागेर भागदौड मच्चिएपछि नियन्त्रणमा लिन प्रहरी परिचालन गरिएको थियो ।