काठमाडौं । नेकपा एमालेका सांसद योगेश भट्टराईले संसद अवरुद्ध एमालेले नभई सत्तापक्ष आफैंले गरेको बताएका छन् । बुधबारको संसद बैठकमा बोल्दै उनले सो कुरा बताएका हुन् ।
उनले एमालेलाई संसदको महत्व थाहा भएको भन्दै सत्तापक्षकै आग्रहमा पटक पटक सूचना टास गरेर बैठक स्थगित भएको स्मरण गराए ।
यस्तै उनले भ्रष्टाचार प्रकरणमा छानविन गरिरहेका राज्यका निकायलाई स्वतन्त्रतापूर्वक काम गर्न नदिएको आरोप लगाए ।
दलहरूबीच उच्चस्तरीय छानविन आयोग बनाउने सहमतिको स्वागत गर्दै उनले भ्रष्टाचार प्रकरणमा अदालत, अख्तियार र सिआईबीलाई स्वतन्त्रतापूर्वक काम गर्न नदिएको आरोप लगाए । साथै उनले कोशी प्रदेशमा फेरि संविधानमाथि निर्घात आक्रमण भएको बताए ।
Leave a Reply