अनलाइन नेपाल
एजेन्सी । उत्तर कोरियाले रुसलाई हतियार आपूर्ति गरेमा ‘मूल्य’ चुकाउनु पर्ने अमेरिकाले चेतावनी दिएको छ ।
उत्तर कोरियाली नेता किम जङ उन रुस भ्रमणमा जाने समाचार सार्वजनिक भइरहेका बेला वासिङ्टनले यस्तो चेतावनी दिएको हो ।
उत्तर कोरिया र रुसबीच हतियार आपूर्तिलाई लिएर सघन वार्ता सक्रिय रुपमा अगाडि बढिरहेको पनि बताइएको छ ।
यदि उत्तर कोरियाले युक्रेनविरुद्ध युद्ध लड्न रुसलाई हतियार प्रदान गरेमा उसले त्यसको मूल्य चुकाउनु पर्ने अमेरिकी राष्ट्रिय सुरक्षा सल्लाहकार जेक सुलिभानले बताए ।
उत्तर कोरियाली नेता किम राष्ट्रपति भ्लादिमिर पुटिनसँग हतियार वार्ताका लागि यसै महिना रुस भ्रमण जाने योजनामा रहेको खबर बाहिर आएको थियो।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
