कञ्चनपुर । कञ्चनपुरमा लागुऔषधसहित प्रहरीले एक जनालाई पक्राउ गरेको छ ।
जिल्लाको दक्षिणी क्षेत्रमा पर्ने बेलौरी नगरपालिका–१० सडकघाटबाट ९.४२ ग्राम लागुऔषधसहित बेलौरी नगरपालिका ३ का २५ वर्षका हरिश रेग्मी पक्राउ परेका हुन् ।
प्रहरी चौकी भुडाबाट खटिएको प्रहरी टोलीले शंका लागि चेकजाँच गर्दा उनको साथबाट प्रतिबन्धित खैरो हिरोइन जस्तो देखिने पदार्थ (ब्राउन सुगर) फेला परेको प्रहरी चौकी भुडाले जनाएको छ ।
पक्राउ परेका रेग्मी सवार सु प्र प्र ०३००१ प ०४५६ नम्बरको मोटरसाइकल समेत बरामद गरेको छ । पक्राउ परेका रेग्मी अछाम सडक डिभिजन कार्यालयका सब इन्जिनियर हुन । प्रहरीले उनीमाथि थप अनुसन्धान थालेको छ ।
Leave a Reply