Online Nepal
  • बुधबार, १२ बैशाख २०८१
  • श्रीलङ्कालाई हराउँदै एसिया कपको उपाधिमाथि भारतको कब्जा

    श्रीलङ्कालाई हराउँदै एसिया कपको उपाधिमाथि भारतको कब्जा

    अनलाइन नेपाल
  • आइतबार, ३१ भाद्र २०८०
  • 2.7K
    SHARES

    काठमाडौं । श्रीलङ्कालाई १० विकेटले हराउँदै भारतले एसिया कपको उपाधिमाथि कब्जा जमाएको छ । श्रीलङ्काले प्रस्तुत गरेको ५१ रनको झिनो लक्ष्य भारतले मात्र ६.१ ओभरमा कुनै पनि विकेट नगुमाई पछ्यायो ।

    भारतका लागि ईशान किसनले २३ तथा शुभमन गिलले २७ रनको पारी खेले । यसअघि श्रीलङ्काली टोली एसिया कपको इतिहासमै सबैभन्दा कम योगफलमा समेटिएको छ ।



    भारतविरुद्धको फाइनलमा टस जिती पहिलो ब्याटिङको निर्णय लिएको श्रीलङ्काले १५.२ ओभरमा अलआउट हुनुअघि ५० रनमात्र बनाउन सकेको थियो ।



    भारतका मोहम्मद सिराज एक्लैले ६ विकेट, हार्दिक पाण्डेले ३ र जसप्रित बुमराहले १ विकेट लिए । सिराजले ७ ओभरमा १ मेडन राख्दै २१ रन खर्चेर ६ विकेट लिए । हार्दिकले २।२ ओभरमा ३ रन मात्र खर्चेर ३ विकेट लिए ।

    बुमराहले ५ ओभरमा १ मेडन राख्दै २३ रन खर्चेर १ विकेट लिए । कुदलिप यदवले १ ओभरमा १ रन मात्र दिए । श्रीलंकाका लागि कुशल मेन्डिसले सर्वाधिक १७ रन बनाए भने दुशान हेमन्था १३ रनमा अविजित रहे ।

    पहिलो ओभरमै जसप्रित बुमराहले कुसल परेरालाई आउट गर्दै भारतलाई राम्रो सुरुवात दिलाएका थिए । त्यसपछि सिराजले खेलको चौथो ओभरमा शानदार बलिङ गर्दै चार विकेट लिए । यसअघि सुपर फोर चरणमा भारतले श्रीलंकालाई ४१ रनले पराजित गरेको थियो ।

    सम्बन्धित विषय
    प्रतिक्रिया

    Leave a Reply

    Your email address will not be published. Required fields are marked *

    नयाँ अपडेट
    अन्य समाचार