बारा । नेपाल भारत दसगजा क्षेत्रमा सशस्त्र प्रहरीका पूर्वसिपाहीको धारिलो हतियार प्रयोग गरी हत्या गरिएको छ ।

बाराको पचरौता नगरपालिका-१ पिपरपाती गाउँ नजिककै दसगजा क्षेत्रमा आइतबार मध्यराति पूर्व जवान अमरेश सिंहको हत्या गरिएको अवस्थामा शव फेला परेको हो ।

जिल्ला प्रहरी कार्यालय बाराका अनुसार ६ महिनाअघि जागिरबाट राजीनामा दिएर घर बसेका पचरौता नगरपालिका १ का सिंहको हत्या गरिएको अवस्थामा शव भेटिएको हो ।

उनको टाउको, घाँटीलगायतका शरीरका विभिन्न भागमा काटिएको गहिरो घाउचोट लागेको प्रहरीले जनाएको छ ।

हत्या आरोपमा भारतीय र नेपाली नागरिक गरी चार जनालाई नियन्त्रणामा लिएर सोधपुछ भइरहेको बारा प्रहरीको भनाई छ । घटनाबारे प्रहरीले थप अनुसन्धान थालेको छ ।