विराटनगर । नेकपा एमालेका अध्यक्ष केपी शर्मा ओलीले वर्तमान सरकार रहनु देशका लागि दुर्भाग्य भएको बताएका छन् ।
एमाले कोशी प्रदेश अधिवेशन उद्घाटन गर्न विराटनगर पुगेका अध्यक्ष ओलीले यस्तो बताएका हुन् ।
अध्यक्ष ओलीले भने, ‘यो सरकार रहनु देशका लागि दुर्भाग्य हो । हामी आफैं जान चाहिरहेका छैनौं । यो सरकार हटाउने हो भने अर्को उपयुक्त विकल्प हुने स्थिति देखिनँ । कांग्रेस कुन संसारमा छ भन्ने नै थाहा छैन । देशको अवस्थाप्रतिको गम्भीरता केही देखिन्न ।’
प्रमुख पार्टीहरु जिम्मेवार हुँदा अर्को विकल्प हुने भएपनि कांग्रेसले यसबारे नसोचेको उनले बताए ।
अध्यक्ष ओलीले यो सरकार रहनु देशका लागि दुर्भाग्य भएको बताए । तर कांग्रेस कुन संसारमा छ भन्ने थाहा नभएका कारण विकल्प पनि नदेखिएको उनले बताए ।