Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार, आषाढ १३ गते २०८३
Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
धनगढी । जिल्ला प्रशासन कार्यालय कञ्चनपुरले भीमदत्त नगरपालिकामा निषेधाज्ञा जारी गरेको छ ।
स्वर्गीय राजा महेन्द्रको शालिक राख्ने विषयलाई लिएर राजनीतिक दलबीच मत भिन्नता देखिएको भन्दै स्थानीय प्रशासनले निषेधाज्ञा लागू गरेको हो ।
प्रमुख जिल्ला अधिकारी गोपालकुमार अधिकारीले बिहीबारदेखि ७ दिनसम्म लागू हुनेगरि भीमदत्त नगरपालिका-४ को संविधान चोकदेखि पूर्वमा दशरथचन्दको शालिकसम्मको मुख्य सडक र पश्चिममा मदन भण्डारीको शालिकसम्मको मुख्य सडकखण्डमा निषेधाज्ञा जारी गरेका हुन् ।
स्थानीय प्रशासन ऐन, २०२८ को दफा ६ (३क) बमोजिम जारी आदेशअनुसार यो क्षेत्रमा ७ दिनसम्म ५ जना भन्दा बढी मानिस जम्मा भई जुलुस, प्रदर्शन, धर्ना, घेराउ, अनसन, सभा जस्ता आन्दोलन वा विरोधका कार्यक्रम गर्न पाइने छैन ।
केही दिनयता राप्रपाले संविधान चोकमा पूर्वराजा महेन्द्र शाहको शालिक स्थापनासहित कार्यक्रम गर्ने तयारी गरिएको बताइएको छ ।
संविधान चोकमा रहेको भीमदत्तको शालिकको ठाउँमा राप्रपाले महेन्द्रको शालिक राख्ने तयारी गरेको थियो ।
त्यसलाई मध्यनजर गर्दै दुई पक्षबीच झडप हुने आशंकामा स्थानीय प्रशासनले निषेधाज्ञा जारी गरेको हो ।
© 2026 All right reserved to onlinenepal.com
Design & Developed By
