Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
काठमाडौं । नेपाली कांग्रेस रामेछापका नेता भरत चौलागाईंले मोही र तलसिनको विवाद मिलाइदिन्छु भनी रकम ठगी गरेको भन्दै प्रहरीमा उजुरी परेको छ ।
ललितपुरका सानुभाई थापाले जिल्ला प्रहरी परिसर काठमाडौंमा चौलागाईंविरुद्ध बैंकिङ कसुरमा जाहेरी दर्ता गराएका हुन् ।
प्रहरीले चेक बाउन्स र ठगीको उजुरीमा चौलागाईविरुद्ध अदालतबाट पक्राउ पुर्जी लिने तयारी भइरहेको जनाएको छ ।
जिल्ला प्रहरी परिसर काठमाडौंमा थापाले ८० लाख रुपैयाँको बैंकिङ कसुरको जाहेरी दर्ता गराएका छन् ।
थापाका अनुसार आफू जग्गाको कारोबारी भएको हुँदा कुनै जग्गामा मोही र तलसिनको विवाद भएकाले त्यो विवाद मिलाइदिने भन्दै चौलागाईंले ३ करोड ९२ लाख रुपैयाँ लिएका थिए ।
त्यसको ग्यारेन्टीबापत चौलागाईंले थापालाई ३ करोड १२ लाखको एउटा चेक र ८० लाख रुपैयाँको अर्को चेक उपलब्ध गराएका थिए ।
तर चौलागाईंले मोही तलसिनको विवाद पनि मिलाउन नसकेको र लगेको रकम फिर्ता माग्दा भोलिभोलि भन्दै टारेको थापाको आरोप छ ।
© 2026 All right reserved to onlinenepal.com
Design & Developed By
