यातायातमन्त्री प्रकाश ज्वालाको गाडीमाथि आगजनी

काठमाडौं । ललितपुरको बालकुमारीमा भौतिक, पूर्वाधार तथा यातायातमन्त्री प्रकाश ज्वालाको गाडीमाथि आगजनी गरिएको छ ।

रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरूले मन्त्री ज्वालाको बा २ झ ५८६१ नम्बरको गाडीमा आगजनी गरेका हुन् ।

उनीहरुले सडक पनि अबरुद्ध पारेका छन् । अहिले बालकुमारी क्षेत्र तनावग्रस्त छ । यद्यपि आगजनीबाट कुनै मानवीय क्षति भने भएको छैन ।

ज्वाला मन्त्री क्वाटरबाट नेकपा एकीकृत समाजवादीको केन्द्रीय समिति बैठक जान हिँडेका थिए । बालकुमारी क्षेत्रमा प्रदर्शनकारीले रोकेका थिए ।

प्रदर्शनकारीहरुले गाडीलाई घेरा हालेपछि मन्त्री र पीएसओ गाडीबाट बाहिर निस्किएका थिए ।

मन्त्री र पीएसओ गाडीबाट हटेपछि प्रदर्शनकारीहरुले आगजनी गरेका हुन्।

प्रतिक्रिया दिनुहोस्

नयाँ अपडेट