अछाम । जिल्ला प्रहरी कार्यालय अछाममा कार्यरत तीन प्रहरी सहायक निरीक्षक (असई) लाई दर्ज्यानी चिन्ह प्रदान गरिएको छ ।
हालै जनपद समुह तर्फको प्रहरी बरिष्ठ हवल्दार पदबाट सोही समूहको प्रहरी सहायक निरीक्षक (असई) पदमा बढुवा भएका उनीहरुलाई दर्ज्यानी चिन्ह प्रदान गरिएको हो ।
जिल्ला प्रहरी कार्यालय अछामका प्रमुख तथा प्रहरी नायब उपरीक्षक सन्तोष पाठकले सोमबार एक समारोहकाबीच नर बहादुर खड्का, यज्ञ राज जेठारा र भरत बहादुर रावललाई दर्ज्यानी चिन्ह प्रदान गरेका हुन् ।
साथै डीएसपी पाठकले थप जिम्मेवारीलाई नयाँ उर्जाका साथ निर्वाह गरी उच्च मनोबलका साथ तोकिएको जिम्मेवारी त्रुटि रहित ढंगबाट सम्पन्न गर्न आवश्यक निर्देशनसमेत दिए ।
Leave a Reply