काठमाडौं । राष्ट्रिय सभामा रिक्त हुने १९ सिटको बाँडफाँट गर्न बसेको सत्ता गठबन्धनको निर्णायक बैठक बिनानिष्कर्ष सकिएको छ ।
प्रधानमन्त्री निवास बालुवाटारमा शनिबार साँझ बसेको सत्ता गठबन्धनको बैठक निष्कर्षविहीन बनेको हो ।
कांग्रेस, माओवादी, एकीकृत समाजवादी, जनता समाजवादी, जनमत, नागरिक उन्मुक्तिको बैठकमा दलहरुले बढी सिट मागेपछि कुरा नमिलेको बताइएको छ ।
गठबन्धनमा कांग्रेसले १० भन्दा बढी सिटमा दाबी गरेको छ भने माओवादीले पनि ७ सिटमा दाबी गरेको छ । यस्तै साना दलले पनि सोहीअनुसार दाबी गर्दा भागबण्डा मिलाउन सकस भइरहेको बताइएको छ ।
Leave a Reply