सामाजिक सञ्जालमा तस्बिर भाइरल भएपछि 'गौशाला २६'ले दिइन् प्रहरीमा उजुरी

काठमाडौं । सन्दीप लामिछाने बलात्कारको कसूरमा दोषी ठहर भएपछि पीडितको भन्दै तस्वीरहरु सार्वजनिक भएपछि नेपाल प्रहरीको साइबर ब्युरोमा जाहेरी परेको छ।

गौशाला २६ को पहिचान खुलाउने प्रयास गरेको भन्दै साइबर ब्यूरोमा अनुसन्धान गरिदिन ६ वटा सामाजिक सञ्जालका पेजको नाम उल्लेख गर्दै जाहेरी परेको हो।

यसबारे साइबर ब्यूरोले अनुसन्धान गरी पहिचान खुलाउने व्यक्तिहरूको खोजी भइरहेको जनाएको छ ।

जिल्ला अदालत, काठमाडौंले लामिछानेलाई बुधबार ८ वर्ष वर्ष जेल सजाय र ५ लाख रुपैयाँ क्षतिपूर्ति पीडितलाई भराउने आदेश गरेको थियो ।

त्यसपछि लामिछानेका समर्थकहरुले पीडित गौशाला २६ भन्दै विभिन्न तस्वीर र व्यक्तिगत विवरणहरु सार्वजनिक गराएका थिए ।

प्रतिक्रिया दिनुहोस्

नयाँ अपडेट