Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । मोटरसाइकल चोरीमा संलग्न एक जनालाई काठमाडौंको धुम्बाराहीबाट ट्राफिक प्रहरीले पक्राउ गरेको छ । पक्राउ पर्नेमा सर्लाहीको बरहथवा नगरपालिका-१ घर भएका ३३ वर्षीय दुर्गा लामा रहेका छन् ।
बागमती प्रदेश ०२-०२९ प ९७ ९२ नम्बरको मोटरसाइकल काठमाडौंको चण्डौल स्थित कृष्णमन्दिर नजिकबाट हराएको भनि यही माघ ९ गते काठमाडौँ उपत्यका ट्राफिक प्रहरी कार्यालयमा निवेदन प्राप्त भएको थियो ।
वास्तविक नम्बर परिवर्तन गरी वैकल्पिक नम्बर प्लेट तयार गरिरहेको अवस्थामा निज लामालाई विहीबार काठमाडौँको धुम्बाराहीबाट ट्राफिक प्रहरीले नियन्त्रणमा लिएको हो ।
ट्राफिक प्रहरीको टोलीले लामाको साथबाट मोटरसाइकल, हेण्डल लक तोड्ने 'टी', चाबी र वैकल्पिक नम्बर प्लेटसहित फेला पारेको हो । नियन्त्रणमा लिइएका उनलाई थप अनुसन्धान तथा कारबाहीका लागि प्रहरी वृत्त महाराजगंज पठाइएको छ ।
© 2026 All right reserved to onlinenepal.com
Design & Developed By
