Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । लामो रस्साकस्सीपछि अन्ततः प्रहरीका एसपीको सरुवा भएको छ । सरुवामा बदनामहरू हाबी भएका छन् भने प्रहरी महानिरीक्षक कमजोर देखिएका छन् ।
कार्यक्षमतामा कमजोर र विगतमा कारबाहीमा परेका अधिकृतहरूलाई नै मुख्य जिल्लामा पठाइएको छ । स्वयम्भु वृत्तमा हुँदा कारबाहीमा परेका मिलन केसीलाई झापा पठाइएको छ ।
डन समिरमानसिंह बस्नेतलाई जेलमा गएर भेटेकोमा उनी कारबाहीमा परेका थिए । मोरङमा पठाइएका नवराज कार्की कमाण्डमा कमजोर मानिन्छन् । फिल्डमा कमजोर अधिकृतलाई मोरङ जस्तो संवेदनशील जिल्लाको नेतृत्व दिइएको छ ।
महोत्तरीमा श्याम राईलाई पठाइएको छ । जो बौद्ध वृत्तमा हुँदा घुससहित पक्राउ परेका अधिकृत हुन् । धनकुटामा पठाइएका विमल बस्नेत ट्राफिकमा हुँदा घुस काण्डमा निलम्बनमा परेका थिए ।
त्यस्तै, चितवनजस्तो संवेदनशील जिल्लामा पनि कमजोर कमाण्ड क्षमताका भावेस रिमाललाई पठाइएको छ । प्रचण्ड परिवारलाई खुशी बनाएर उनी चितवन गएका हुन् ।
सुर्खेतमा हुँदा लागुऔषध मुद्दामा चलखेल गरेकोमा छानबिनमा तानिएका पदमबहादुर बिष्टको कैलालीमा सरुवा भएको छ ।
स्रोतका अनुसार सरुवामा माओवादी र कांग्रेसका नेता हाबी भएका छन् ।
तराईका सबै जसो जिल्लामा नेताकै सिफारिसमा सरुवा गरिएको छ । सरुवामा गृहमन्त्री नारायणकाजी श्रेष्ठ र प्रहरी महानिरीक्षक बसन्तबहादुर कुँवरबीच टक्कर परेपछि मंगलबार प्रधानमन्त्री प्रचण्डले नै मध्यस्थता गरेर सरुवामा सहमति गराएका थिए ।
एसपीपछि प्रहरी प्रधान कार्यालयले डिएसपीको पनि व्यापक सरुवाको तयारी गरेको छ ।
© 2026 All right reserved to onlinenepal.com
Design & Developed By
