काठमाडौं । नेकपा माओवादी केन्द्रका सांसद महिन्द्रराय यादवले कांग्रेससँगको सत्तागठबन्धनमा रहँदा प्रधानमन्त्री पुष्पकमल दाहाल ‘प्रचण्ड’माथि घेराबन्दी भएको बताएका छन् ।

प्रधानमन्त्री प्रचण्डले प्रतिनिधिसभामा राखेको विश्वासको मतको प्रस्तावमाथि बोल्दै सांसद यादवले यस्तो बताएका हुन् ।

सांसद यादवले, ‘ठेकेदारहरूले काम गरेको पैसा अर्थमन्त्रालयले नदिएको त कांग्रेसकै मन्त्रीले भनेका छन् । हारगुहार गर्दा पनि अर्थ मन्त्रालयबाट सहयोग भएन । यो सरकारमा रुपान्तरण भएको छ त्यो नेपाली कांग्रेसले पनि यथार्थ कुरा बुझ्नुपर्ने हुन्छ। प्रधानमन्त्रीलाई घेरान्बदी भयो । त्यो संवेदशनशील विषय थियो । गठबन्धनमा जिम्मेवार दल भएर पनि कांग्रेसबाट धोका दिएको विषय थियो ।’

सांसद यादवले कांग्रेसबाट अर्थमन्त्री बनेका प्रकाशशरण महतले सहयोग नगरेको बताए ।

कांग्रेसकै कारण तत्कालीन गठबन्धनमा अविश्वास पैदा भएको पनि यादवको भनाइ थियो ।

विभिन्न प्रकरणमा प्रधानमन्त्रीमाथि कांग्रेसबाट धोका भएको उनले बताए ।