Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
गोरखा । गोरखाको सहिद लखन गाउँपालिका–३, घोर्लेस्वाँरामा शनिबार दिउँसो स्कारपियो जीप दुर्घटना हुँदा एकजनाको मृत्यु भएको छ ।
नवलपरासी पूर्वबाट मझुवादेउराली हुँदै मनकामनातर्फ जाँदै गरेको ग१च ७६१९ नम्बरको जीप दुर्घटनामा परेको जिल्ला प्रहरी कार्यालय गोरखाका सूचना अधिकारी एवं प्रहरी नायब उपरीक्षक (डीएसपी) रमेशकुमार श्रेष्ठले जानकारी दिए ।
दुर्घटनामा परी जीपमा सवार नवलपरासी पूर्वको विनयत्रिवेणी गाउँपालिका–४ का ४५ वर्षीय शोभाखर गैरेको मृत्यु भएको प्रहरीले जनाएको छ ।
दुर्घटनामा उनी गम्भीर घाइते भएकी थिइन् । तनहुँको आँबुखैरेनीस्थित छिम्केश्वरी अस्पतालमा उपचारका क्रममा उनको मृत्यु भएको हो ।
उकालो बाटोमा गाडी चढ्न नसकेपछि अनियन्त्रित भई सडकको नालीमा पल्टिएर दुर्घटना भएको थियो । जीपका चालक पूर्व विनयत्रिवेणी गाउँपालिका–४ का ४७ वर्षीय बेगबहादुर क्षेत्रीलाई प्रहरीले नियन्त्रणमा लिएको छ ।
घटनाबारे थप अनुसन्धान भइरहेको जिल्ला प्रहरी कार्यालय गोरखाले जनाएको छ । रासस
© 2026 All right reserved to onlinenepal.com
Design & Developed By
