काठमाडौं । उपप्रधान तथा स्वास्थ्यमन्त्री उपेन्द्र यादव नेतृत्वको जनता समाजवादी पार्टी (जसपा) नेपाल विभाजन भएको छ ।

जसपा विभाजन भएर अशोक राईको अध्यक्षतामा नयाँ पार्टी गठन भएको हो । जनता समाजवादी पार्टी नाम राखेर आजै निर्वाचन आयोगमा दर्ता भएको छ।

जसपा अध्यक्ष यादव अहिले अमेरिकामा छन् । संघमा सत्ता साझेदार जसपाका १२ सांसद छन् ।

त्यसमध्ये ७ सांसदले दल विभाजन गर्न लागेका हुन् ।

स्रोतका अनुसार सांसदहरू अशोक राई, प्रदीप यादव, नवलकिशोर साह सुडी, वीरेन्द्र महतो र सुशीला श्रेष्ठ राईको पक्षमा उभिएका छन्।