Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
काठमाडौं । साउदीको रियाल देखाएर ठगी गरेको आरोपमा प्रहरीले ३ जनालाई पक्राउ गरेको छ ।
उनीहरुलाई काठमाडौं उपत्यका अपराध अनुसन्धान कार्यालयको टोलीले बौद्ध क्षेत्रबाट पक्राउ गरेको हो ।
पक्राउ पर्नेमा सिन्धुली दुधौलीका दीपक तामाङ, टेकबहादुर घिसिङ र निरबहादुर तामाङ छन् ।
प्रहरीले उनीहरुको साथबाट १०० दरको साउदी रियाल २ थान, नेपाली रुपैयाँ १० को १०० थान, प्रदेश १–०५–००१ प ८०३७ नम्बरको मोटरसाइकल, बा ४६ प ९७७५ नम्बरको स्कुटर र ३ थान मोबाइल बरामद गरिएको प्रहरीले जनाएको छ ।
उनीहरुले रामेछापको दोरम्बा गाउँपालिका–७ घर भई काठमाडौं बस्दै आएकी ५८ वर्षीया चन्दरी तामाङलाई साउदी रियाल देखाई ठगी गरेका थिए ।
सुनका गरगहना र नगद गरी चन्दरीबाट यो समूहले २ लाख १० हजार रुपैयाँ ठगी गरेको उजुरी थियो ।
उनीहरुले अहिलेसम्म श्रृंखलाबद्ध रुपमा १४ लाख २१ हजार ५ सय रुपैयाँ ठगी गरेको प्रहरीको अनुसन्धानबाट खुलेको छ ।
पक्राउ परेका सबैलाई कारबाहीका लागि प्रहरी वृत्त बौद्ध पठाइएको छ ।
© 2026 All right reserved to onlinenepal.com
Design & Developed By
